Smriti

Yoon to tumhein bhool gaye hain hum

Kayi kayi mahine beet jate hain

bina tumhari yad ke

Par achanak kisi kisi raat

khud ko fir usi mod pe paate hain

Jahan tum bichhad gaye the

Aur fir wahi 'kyon' yaad aata hai

Fir wahi dard jaag jaata hai

Khud ko fir se solah ka paate hain

Kaaran dhoond dhoond khud ko samjhate hain

Fir wahi ladakpan yaad aata hai

Ab tak us dosti se naata hai

Kyon khoya ye jaane ne jaane kabhi

Kya khoya ye dil tumse behtar jaanta hai

Random thoughts today

Maana waqt nahi hai tumhare paas humein dene ko
Humne khud ko tumhe diya hai, humein to apna lo
Waqt khud hi tham jayega us lamhe ko niharne.

---------------------------------------

Mere lafzon pe na jao, zubaan pe bas nahi chalta
Dil ko bhi sach kaboolne ka haq nahi diya hai
Kaash tum nazron ki bhasha samajh jate.


------------------------------------


Chahkar bhi tumhe chahne ki chahat hi karte reh gaye
Na chahkar bhi chahat ko bhulana chahte hain ab
Kash hamari chahat tumhein yoon anchahee na lagti


-----------------------------------


Woh waqt kuch aur tha, masoomiyat mein dil diya tha
Tootkar fir sambhla karte the tere pyar ke behlawe mein
Ye waqt kuch aur hai, hum tukdon mein pyar pana seekh gaye.